Latest News

Tuesday, 4 July 2017

شمالی کوریا نے جاپان پر بیلسٹک میزائل داغ دیا

شمالی کوریا نے جاپان پر بیلسٹک میزائل داغ دیا




پیانگ یانگ: شمالی کوریا نے جاپان پر بیلسٹک میزائل داغ دیا ہے جس پر جاپانی حکومت نے شدید احتجاج کیا ہے۔
امریکی پیسیفیک کمانڈ کے مطابق شمالی کوریا نے پانگھیون فضائی فوجی اڈے سے زمین سے مار کرنے والا میزائل فائر کیا جو 37 منٹ کی پرواز کے بعد جاپان کی سمندری حدود میں جاگرا تاہم اس سے کسی قسم کا جانی یا مالی نقصان نہیں ہوا۔

جاپانی حکام نے تصدیق کی ہے کہ شمالی کوریا کا میزائل ان کے اقتصادی بحری علاقے میں آکر گرا ہے اور حکام نے واقعے پر شدید احتجاج کرتے ہوئے اسے اقوام متحدہ کی قراردادوں کی خلاف ورزی قرار دیا ہے۔

جنوبی کوریا نے بھی میزائل تجربے کی تصدیق کرتے ہوئے بتایا کہ شمالی کوریا کی جانب سے داغا گیا میزائل 930 کلومیٹر دور جاپانی حدود میں گرا ہے۔
شمالی کوریا نے حالیہ ماہ میں ایٹمی اور میزائل تجربات میں اضافہ کردیا ہے جس کے نتیجے میں خطے میں کشیدگی کافی بڑھ گئی ہے جب کہ آئندہ چند روز میں جی 20 ممالک کا اجلاس ہونے والا ہے جس میں شمالی کوریا کے اسلحہ پروگرام کے خلاف کارروائی کرنے پر غور کیا جائے گا۔


گزشتہ روز امریکی صدر ڈونلڈ ٹرمپ نے بھی شمالی کوریا کو خبردار کرتے ہوئے کہا تھا کہ اب ان کے صبر کا پیمانہ لبریز ہوتا جارہا ہے اور جواب دینے کا وقت آگیا ہے۔

Source: https://www.express.pk/story/865937/
  • Blogger Comments
  • Facebook Comments

0 comments:

Post a Comment

Item Reviewed: شمالی کوریا نے جاپان پر بیلسٹک میزائل داغ دیا Description: Rating: 5 Reviewed By: Fun Corner
Scroll to Top